ខ្មាសទូ ATM ខែវិច្ឆិកា 30, 2010
Posted by អែម ចាន់បុទុំ in រឿងរ៉ាវពីខ្ញុំ.Tags: ATM, មិត្តភក្តិ, ឥតបានការ
21 comments
ម៉ោង ៤ និង ៣០ ល្ងាច ដល់ម៉ោងខ្ញុំត្រូវចេញទៅផ្ទះហើយ ។ រំពេចនោះទូរសព្ទចាប់រោទិ៍ឡើង៖
មិត្តភ័ក្តិ៖ អាឡូ សម្លាញ់ បើកលុយ ឬនៅ? ទៅស៊ីអីខានជួបគ្នាយូរហើយ
បុទុំ៖ មានអី ល្អតើកំពុងតែចង់ទៅដែរ តែមិនដឹងថាគ្នាបើកប្រាក់ខែ ឬនៅទេ?
មិត្តភ័ក្តិ៖ អ៊ីចឹង ជួបគ្នាម៉ោង ៥ និង ៣០នាទី កន្លែងចាស់
បុទុំ៖ អ៊ើ!!! ចឹងក៏បានដែរ
ទាញម៉ូតូ មកឆ្វាច់ ជិះសំដៅទៅរកធនាគារអេ ស៊ី លី ដា ដើម្បីបើកលុយ ។ ជាទូទៅក្រុមហ៊ុនរបស់ ខ្ញុំបើក លុយមិនដែលលើសពីថ្ងៃទី ៣០ ទេរៀងរាល់ខែ ។ ដកកាត អេ ធី អឹម ដាក់ក្នុងទួ ពេលទៅបើកលុយ ជើង មុនៗ ខ្ញុំតែងតែ ត្រួតពិនិត្យទឹកប្រាក់ថាតើ ក្រុមហ៊ុនបញ្ជូនមក ឬនៅ តែចំឡែកថ្ងៃនេះ គ្រាន់តែវាយលេខ សំងាត់រួច ដកលុយប្រាវហ្មង ស្រាប់តែវាអត់ចេញលុយម៉ោ អាលីង វាថាទឹកប្រាក់មិនគ្រប់គ្រាន់ មិនអាច បើកបាន 😦 ដល់ចឹងទៅក៏ចូលទៅត្រួតពិនិត្យមើលទឹក ប្រាក់សល់ មិនបានម៉ាម៉ឺនលុយខ្មែរផង ។ ដល់ចឹង អត់លុយមិនដឹងថាទៅស៊ី អីជាមួយមិត្តម៉េចនឹងកើត ក៏ទាញទូរសព្ទហើយតេទៅមិត្តភ័ក្តិ
បុទុំ៖ អាឡូ!!! ដល់.ក ហើយពួកម៉ាកអើយ ង៉ៃ ៣០ ហើយកន្លែងគ្នាអត់ទាន់បើកលុយទេ
មិត្តភ័ក្តិ៖ មិនអី ទេចាំខ្ចីគ្នាក៏បានដែរថ្ងៃនេះនោះ អ្ហែងម៉ោ ឬអត់?
បុទុំ៖ អ៊ើ ចឹងអ្ហែង ចាំគ្នានៅហ្នុងហើយតិចទៀតជួបគ្នា
ហ៊ើ! គិតទៅមិនទាន់ទាំងបើកប្រាក់ខែផង ខ្ញុំជំពាក់គេបាត់ទៅហើយ 😦 ចឹងបានថា ការងារគឺគ្រាន់តែ បានម៉ារស់មែន ដូចអង់គ្លេសគេថា JOB ន័យពេញគឺ Just Over Broke ។
រដ្ឋាភិបាលខ្មែរសម្រចសាងស្តូបនៅជិតស្ពានពេជ្រ ខែវិច្ឆិកា 24, 2010
Posted by អែម ចាន់បុទុំ in ដំណឹងផ្សេងៗ.Tags: កោះពេជ្រ, ប្រទេសជាតិ, សំនង់
3 comments
លឺសូរដំណឹងនេះ ក្នុងនាមជាកូនខ្មែរមួយរូប ខ្ញុំក៏ដូចជាខ្មែរជិត ១៤លាននាក់ទៀត មានសេចក្តីសប្បាយរីក រាយជាពន់ពេកគ្មានអ្វីថ្លែងបាន ដោយរដ្ឋាភិបាល បានសម្រចសាងសង់ ស្តូប សម្រាប់គោរពដល់វិញ្ញាណក្ខ័ន្ធ ដល់អ្នកដែលបានស្លាប់នារាត្រី ថ្ងៃទី ២២ វិច្ឆិកា ទីតាំងគឺទុកឱ្យអភិបាល រាជធានីភ្នំពេញចាត់ការ គឺនៅជិតស្ពានពេជ្រនេះតែម្តង ។ ដំណឹងនេះអ្នកទាំងអស់គ្នា ប្រាកដជាសប្បាយ ដូចខ្ញុំដែរ គ្រានតែលឺទាយទៅមើលថាថវិកាពីណាមកនឹងយកមកក៏សាងស្តូបនេះ ក្នុងចិត្តអ្នកស្រឡាញ់ ជាតិខ្មែរនឹងគិតគ្រប់គ្នាថា ការចំណាយទាំងអស់គឺជាថវិការបស់រដ្ឋ តែផ្ទុយទៅវិញ រដ្ឋាភិបាលដ៏មហាឆ្លាត របស់យើង បែជាយកថវិការបស់មូនិធិប៉ុស្តិ៍បាយ័ន និង ស៊ី ធី អ៊ិន សម្រាប់ការសាងសង់នេះទៅវិញ ។ ខ្ញុំក៏អរគុណអ្នកដែលផ្តួចផ្តើមគំនិតក្នុងការសាងសង់ស្តូបនេះឡើង ដើម្បីរំលឹកដល់អ្នកស្លាប់រាប់រយអ្នកដែល ស្ថិតក្នុងក្រអៅបេះដូងកូនខ្មែរគ្រប់រូប ហើយក៏សូមសរសើរ អស់ពីដួងចិត្តចំពោះគំនិតដ៏ថ្លៃថ្លា ដែលនឹកឃើញយកលុយមូនិធិមកសាងសង់ គំនិតអីល្អជាងនេះបែបនឹកមិនឃើញទេ ។ សូមអានដើមអម្ពិលបន្ថែម
អានផងដែរ៖
ពុទ្ធទំនាយមកដល់ឆ្នាំ ២០១២ និង បញ្ចប់នៅឆ្នាំ ២០១៤ ខែវិច្ឆិកា 24, 2010
Posted by អែម ចាន់បុទុំ in ជំនឿ.Tags: ជំនឿ, ពុទ្ធទំនាយ
20 comments
ពេលពុទ្ធទំនាយជិតចប់នោះ មនុស្សក្នុងពិភពលោកនឹងក្លាយជាជនតិរច្ឆាន យកខុសជាត្រូវ អាក្រក់ ថាល្អ សជាខ្មៅគោរពព្រាយជាព្រះ សំពះប្រែតជួសព្រហ្ម មេបាអោបដៃអង្គុយយំ ព្រោះតែបាត់ព្រហ្មវិហារធម៌ ឳពុក រំលោភកូន ចៅរំលោភជីដូន កូនសម្លាប់ឳពុក ស្តេចអស់រិទ្ធិត្បិតគ្មានទសពិតរាជធម៌ សាសនា រុះរោយ សង្ឃទ្រួស្តសីល វត្តរីកជាវាំង ឧកញ្ញានាម៉ឺនមន្ត្រី ក្បត់ញាតិមាតុភូមិ និង តួនាទី អាកាសធាតុប្រែ ប្រួល មានរន្ទះបាញ់ ព្យុះភ្លៀង ពួកចោរហារយចេញ ប្រជានុរាស្ត្ររងទុក្ខខ្លោចផ្សារពន់ពេក នេះជាហេតុ មកពីមនុស្សលោក ឆ្កូតវង្វេងនិងវាលបី និង អន្លង់បួន ។
១. កុលាហល៖ កើតមានយ៉ាងខ្លាំងនាដើមឆ្នាំឆ្លូវ ថ្ងៃទី ១៥ ឧសភា ឆ្នាំ ២០០៩ ផ្ទៃមេឃប្រែប្រួលមានព្រះ អាទិត្យ ពីរវង់ មួយធំមួយតូច អ្នកនៅភាគខាងត្បូងនៃផែនដី មើលឃើញពួកពោធិ៍លេចរំសាយ និង ពោធិ៍បាយចេញព្រោងព្រាត តាំងខ្លួនដណ្តើមគ្នាអ្នកមានបុណ្យ ។ (ពេលកលាហល ដល់ )
២. នៅខែ ឧសភា ឆ្នាំ ២០១១ នៅទិសខាងកើតមានព្រះអាទិត្យពីរដួងប៉ុនគ្នា ព្រះអាទិត្យចាស់នៅខាង ឆ្វេង ព្រះអាទិត្យថ្មីរះនេះជាសេនាដែក ភ្នែកប្រាក់មកជួយព្រះពុទ្ធសាសនា និង ជាពេលអ្នកមានបុណ្យ យាងចេញ ជួយចម្លងនិស្ស័យសត្វលោក គឺយកតែសត្វលោកដែលមិនវង្វេង នឹងវាលបី គឺ លោភៈ មោហៈ និង ទោសៈ ហើយអន្លង់បួនគឺ មាសប្រាក់ ឋានៈ យសសក្តិ អំណាច និងស្រីស្រា ល្បែងពាលា កាន់ សីល ប្រាំមានជំនឿលើបុណ្យបាប
នៅមានត
សែនព្រេនក្រោយមហាសោកនាដកម្ម ខែវិច្ឆិកា 23, 2010
Posted by អែម ចាន់បុទុំ in ជំនឿ.Tags: ជំនឿ, សាសនា, សែនព្រេន
7 comments
- និយាយសង្ខេបពីអ្នកស្លាប់ និង របូស
គិតមកដល់ម៉ោងប្រមាណជាពីររសៀលថ្ងៃទី ២៣ ខែ វិច្ឆិកា នេះ តាមដែលព័ត៌មាន កម្ពុជាថ្មី បានផ្សាយថា ចំនួនអ្នកស្លាប់មាន ៣៤៤ ស្ត្រី ២០៧នាក់ នាក់ជាចំនួនផ្លូវការទទួលបានពីគ្រប់បណ្តាមន្ទី ពេទ្យរដ្ឋ និង ឯកជន ចំណែកអ្នករងរបួសគិតមកដល់ល្ងាចថ្ងៃទី២៣ ខែមិថុនា ឆ្នាំ២០១០ មានចំនួន៣៨៦នាក់ ។
- ទឹកប្រាក់ឧបត្ថមសម្រាប់ជនរងគ្រោះ
នាយករដ្ឋមន្ត្រី ហ៊ុន សែន បានឧបត្ថមទឹកប្រាក់ ៥លានរៀល សម្រាប់អ្នកដែលបាត់បងជីវិត និង ចំនួន ១លានរៀល សម្រាប់អ្នករងរបួស ។ ដូចគ្នានេះដែរ ថៅកែកោះពេជ្រ បានឧបត្ថមទឹកប្រាក់ចំនួន ៤លាន រៀល សម្រាប់អ្នកស្លាប់ និង ៨០ ម៉ឺន សម្រាប់អ្នករងរបួស ។ នៅក្នុងនោះក៏មានមូនិធិប៉ុស្តិ៍ បាយ័នធ្វើការ ផ្សាយបន្តបន្ទាប់ពីអ្នកឧបត្ថមផ្សេងៗទៀតជាច្រើនផងដែរ ចំនែករួបខ្ញុំផ្ទាល់ក៏បានជួយឧបត្ថមចំនួន ១ម៉ឺនរៀល ផងដែរ ។
- ការសែនព្រេន
ខ្ញុំបានឃើញផ្ទះរបស់បងប្អូននៅជិតផ្ទះរបស់ខ្ញុំ នាំគ្នាសែនព្រេន តាមប្រពៃណីខ្មែរ ខ្ញុំបានសាកសួរ អ៊ុំស្រី ម្នាក់នៅជិតផ្ទះ គាត់ថាសែនតាមទំល្លៀមទម្លាប់ ចាស់ពីដើម ឱ្យតែមានរឿងគ្រោះថា្នក់អីកើតឡើងដូច្នេះ គឺសែនឱ្យអ្នកដែលស្លាប់ទៅនោះ ទៅកាន់សុគតិភព និងកុំឱ្យព្រលិងវិលវល់ទៀត ។ ការដែលសែន នោះមិនមានអីធំដំទេ គឺខ្ញុំបានឃើញចេកមួយស្និត អង្ករមួយចាន់តូច ធូបបីសរសៃរប៉ុណ្ណោះ ។ តែអ្វីដែល មិននឹកស្មានដល់នោះគឺតម្លៃចេកឡើងថ្លៃហួស អ្នកខ្លះទិញក្នុងមួយស្និត ៧០០០ រៀល ខ្លះ ១០០០០ រៀល ឯខ្លះទៀត ទិញរហូតដល់ ២០០០០ រៀល ហើយប្រជ្រៀតគ្នាទិញទៀត ។
វិភាគដ្យាក្រាមពីមូលហេតុនៃសោកនាដកម្ម ២២ វិច្ឆិកា ខែវិច្ឆិកា 23, 2010
Posted by អែម ចាន់បុទុំ in ដំណឹងផ្សេងៗ.Tags: កោះពេជ្រ, គ្រោះថ្នាក់, វិភាគ
1 comment so far
មនុស្សច្រើនលើស្ពាន–> ខ្វះអុកស៊ីសែន –> ស្រែកថាស្ពានបាក់–> មនុស្សផ្អើលរត់ជាន់គ្នា–>ខ្លះលោតទឹក–>ប្រទាញប្រទុងគ្នាកាន់បង្កាន់ដៃស្ពាន –> នាំឱ្យឆក់ខ្សែភ្លើង–> ជិត ៤០០ នាក់ស្លាប់ និង ជិត ៨០០ នាក់របួស–> ក្លាយជាសោកនាដកម្មទីពីរបន្ទាប់ពី ៣ឆ្នាំ ៨ខែ និង ២០ថ្ងៃ
អែម ចាន់បុទុំ 