ជួយប្រាប់ខ្ញុំផង ខែតុលា 31, 2010
Posted by អែម ចាន់បុទុំ in ជួយប្រាប់ផង.Tags: ចំនេះដឹងផ្សេងៗ, ហ្វេសប៊ុគ
7 comments
ខ្ញុំមានចម្ងល់នេះយូរដែរហើយ ហើយបានរុករកខ្លះដែរតាមអ៊ីនធើណែត តែដូចជាមិនឃើញសោះ ។ តើអាចទេក្នុងហ្វេសប៊ុគពេលដែលយើងដាក់ ប្រកាស់ ហើយ តែយើងចង់កែវា? មួយទៀតក្នុង សារហ្វេសប៊ុគអាចកែបាន ឬអត់? បើបងប្អូនដឹងជួបប្រាប់ផង?
Can you edit your Facebook status?
Can you edit messages that you’ve sent on facebook?
ល្ងាចថ្ងៃអាទិត្យ ខែតុលា 31, 2010
Posted by អែម ចាន់បុទុំ in រឿងរ៉ាវពីខ្ញុំ.Tags: កោះពេជ្រ, ថ្ងៃអាទិត្យ, លំហែកាយ
5 comments
ចុងខែ តុលា នេះខ្ញុំមានពេលសម្រាក រហូតដល់ទៅ ៤ថ្ងៃ សែនអផ្សុកណាស់អត់ដឹង ថាទៅណាមកណា ព្រោះអីមានតែឯង មានតែនៅផ្ទះ អង្គុយមុខ កំព្យូរទ័រ និងមើលទូរទស្សន៍អីប៉ុណ្ណឹងឯង ។ តែល្ងាចមិញ នឹកចង់ជិះម៉ូតូ ដើរលេងក៏តេហៅពួកម៉ាក ហើយក៏ជិះដើរឆ្វែល មាត់ទន្លេ កោះពេជ្រ លំហែរខួរក្បាល ។ តែដឹងអី ព្រះអើយ ម៉ែ អាស្ទះហើយនៅកោះពេជ្រ ល្ងាចថ្ងៃអាទិត្យនេះ គិតទៅបើនៅផ្ទះប្រសើរដែរ មិននៅជាប់ស្ទឡើងជិតមួយម៉ោង នៅកោះពេជ្រ បើពីរនាក់សង្សារ មិនសូវស្តាយកម្លាំងទេ តែនេះមានអីពីរនាក់មិត្តភក្តិប្រុស តែទ្រាំទៅធ្វើម៉េចមិនទាន់ដល់គូរ ប្រហែលដល់ខែកក្តិក ឆ្នាំក្រោយហើយមើលទៅ?
ប្លករបស់ខ្ញុំដូររាងរៅ ខែតុលា 29, 2010
Posted by អែម ចាន់បុទុំ in ដំណឹងផ្សេងៗ.Tags: ប្លក, វ៉ើតព្រេស្ស
15 comments
ខ្ញុំមិនពូកែទេ ផ្នែកខាង ព័ត៌មានវិទ្យា តែចេះតែចុចៗ ទៅក៏ឃើញ ម៉ូដនេះដូចជាស្រឡាញ់ ហើយក៏យកមកដាក់តែម្តងទៅ ។ ម៉ូតនេះស្រួលមើល ហើយ អត្ថបទ មិនរញេរញ៉ៃ ហិហិហិ មិនដឹងថាចង់ដូរពណ៌ខាងក្រោយហ្នឹងយ៉ាងម៉េចទេ ???អត់សូវស្រឡាញ់ពណ៌ តែណ្ហើយប្រើរបស់គេទាំងស្រុង ទៅមិនបាច់ ពិបាកអីច្រើន ។
ប្រយ័ត្នផ្លែឈើនាំចូលមានជាតិពុល ខែតុលា 27, 2010
Posted by អែម ចាន់បុទុំ in ដំណឹងផ្សេងៗ.Tags: ផ្លែឈើ, សង្គម, សុខភាព
4 comments
បន្លែ ផ្លែឈើមួយចំនួន ដែលនាំចូលពីបរទេស អាចមានសារធាតុពុលជាបមកជាមួយ ព្រោះថ្មីៗ នេះមាន ព័ត៌មានថា ក្រុមវិទ្យសាស្ត្រ ពេទ្យ បរទេសបានរកឃើញសារធាតុគីមីកម្ចាត់សត្វល្អិត នៅសល់ជាប់ក្នុងបន្លែ ផ្លែឈើ គ្រឿងទេស និងធញ្ញជាតិផ្សេងៗ មានដូចជា ផ្កាខាត់ណា គួឆាយ ស្ពៃតឿ បន្លែខាត់ណា ស្ពៃចង្កិះ ខ្ទឹមក្រហម ការ៉ុត ផ្លែព្រួន ផ្លែទទឹម ផ្លែទន្លាប់ ក្រូច គិរី ទំពាំងបាយ ប្ល៊ូប៊ឺរី ផ្លែព្រួន ផ្លែទទឹម ផ្លែសារី ផ្លែប៉ោម ត្របែក ស្រកានាគ ម្ទេស អង្ករសាលី ធញ្ញជាតិ (Cereal) និង ទឹកផ្លែឈើ ។ សារធាតុគីមី ភាគច្រើនដែលជួបប្រទះ អាចមានឥទ្ធពលឱ្យកើត អាការរមូល ពោះ ចង់ក្អូត សាច់ដុំខ្សោយ ណែនដើមទ្រូង …។ ប៉ុន្តែ អ្នកអាចកាត់បន្ថយបរិមាណ សារធាតុគីមី ពីថ្នាំកម្ចាត់សត្វល្អិតបាន ដោយត្រាំបន្លែ ផ្លែឈើក្នុងទឹកខ្មេះ ១០ភាគរយ ត្រាំក្នុងទឹកអំបិល ១០នាទី ឫលាងដោយទឹកស្អាត ដែលហូរពីក្បាលរ៉ូប៊ីណេ រយះពេល ២នាទី មុននឹងយក មកទទួលទាន ។
មើលបន្ថែម ទស្សនាវដ្ដីអង្គរធំ ច្បាប់ ២៩៤ ឆ្នាំទី ១១ ប្រចាំថ្ងៃទី ២៧ តុលា – ០៦វិច្ឆកា ២០១០
របរអីដែលកាក់កបនាថ្ងៃអនាគត The Next Trillion? ខែតុលា 24, 2010
Posted by អែម ចាន់បុទុំ in ដំណឹងផ្សេងៗ.Tags: ទ្រីលាន, សង្គម, សុខភាព, សេដ្ខី
12 comments
១. តើអ្នកដឹងទេថា មហាសេដ្ឋីក្នុងទសវត្សរ៍ ៧០ គេប្រកបរបរអ្វី? នៅសម័យទសវត្សរ៍ ៧០ របរដែលកាក់កបបំផុតគឺ Microwave ។
២.តើអ្នកដឹងទេថា មហាសេដ្ឋីក្នុងទសវត្សរ៍ ៨០ គេប្រកបរបរអ្វី? នៅសម័យទសវត្សរ៍ ៨០ របរដែលកាក់កបបំផុតគឺ VCR ។
៣. តើអ្នកដឹងទេថា មហាសេដ្ឋីក្នុងទសវត្សរ៍ ៩០ គេប្រកបរបរអ្វី?
នៅសម័យទសវត្សរ៍ ៩០ របរដែលកាក់កបបំផុតគឺ PCs and Internet ដូចដែលអ្នកធ្លាប់ដឹងមក ហើយ គឺមហាសេដ្ឋី ប៊ីលហ្គេត ដែលជា នាយកក្រុមហ៊ុនម៉ីក្រូសហ្វ ហើយនិងសេដ្ឋីវ័យក្មេង Mark Zuckerberg ដែលជាអ្នកបង្កើតហ្វេសប៊ុគ ។ តែនៅក្នុងទសវត្សរ៍ទី ៩០នេះ គឺមានតែ Millionaire and Billionaire អត់មានទេ Trillionaire????
៤. តើអ្វីទៅដែលជារបរកាប់កបបំផុតនោះ នៅពេលអនាគតដែល នឹងអាចឱ្យយើងក្លាយទៅជា Trillionaire?
តាមសម្តីរបស់លោក Paul Zane Pilzer ដែលជាអ្នកសរសេរសៀវភៅ The Next Trillion ពិភពលោកនឹងងាកមកគិតច្នៃឧស្សាហម្មផលិត ផលិតផល សម្រាប់ទប់ស្កាត់ការចាស់ជរា ធ្វើឱ្យមនុស្សរិតតែស្អាត និង ផលិតផលសម្រាប់ការពារជម្ងឺទឹកនោមផ្អែម ជម្ងឺមហារីក ជម្ងឺគាំងបេះដូង ។ល។ ដែលភាសាអង់គ្លេសគេហៅថា “Wellness Industry” នេះហើយគឺរបរដែលអ្នកវិភាគសេដ្ឋកិច្ចរូបនេះ បានអះអាង ។
តើអ្នកចង់ចូលរួមជាមួយខ្ញុំដែរ ឬទេ អំពីបញ្ហាទាក់ទងទៅនឹង Wellness Industry?
សូមមើលវីដេអូបន្ថែម ឱ្យយល់កាន់តែច្បាស់ពី អ្វីទៅដែលជា Next Trillion ចុចត្រង់នេះ ។ កុំភ្លេចមើលណា ហើយចូលរួមទាំងអស់គ្នា អ្នកនឹងស្គាល់ កាន់តែច្បាស់ ។
អែម ចាន់បុទុំ 