ដាក់បាត និង ស្រង់ព្រះ ខែមេសា 17, 2011
Posted by អែម ចាន់បុទុំ in រឿងរ៉ាវពីខ្ញុំ.Tags: ចូលឆ្នាំ, បង្សុកូល, ពូនភ្នំខ្សាច់, ស្រង់ព្រះ
trackback
ចូលមកដល់ថ្ងៃទី ១៧ នេះគឺនៅមិនទាន់ចប់សព្វគ្រប់នៅឡើយទេ ចំពោះបុណ្យចូលឆ្នាំខ្មែរនៅស្រុកខ្ញុំ ។ ព្រឹកនេះគឺមានដាក់បាតដល់ព្រះសង្ឃ បង្សុកូល និង ស្រង់ព្រះ ។ នាថ្ងៃបញ្ចប់នេះគឺមានមនុស្សច្រើនមកចូលរួមនៅវត្ត ជាពិសេសចាស់ៗ ពួកគាត់នាំគ្នាំយកអាហារ នំនេក បង្អែម ផ្សេងៗដើម្បីដាក់បាតដល់ព្រះសង្ឃ រួមទាំងថវិកាខ្លះផងដែរ ។ នាព្រឹកនេះខ្ញុំដាក់បាតដល់ព្រះសង្ឃដែលមានចំនួន ២៨ អង្គ ក្នុងមួយអង្គគឺ ១០០០ រៀល ។ លុះចប់សព្វគ្រប់នៃការដាក់បាតហើយ គឺនាំគ្នានៅបង្សុកូលនៅចៃតិយធំក្នុងវត្ត ដែលនៅទីនេះគេបង្សុកូលជារៀងរាល់ឆ្នាំ ។ ការបង្សុកូលបានបញ្ចប់ក៏ចាប់ផ្តើមពីធីស្រង់ព្រះ ។ ពិធីស្រង់ព្រះសប្បាយត្រង់លេងជះទឹកដាក់គ្នា តែខ្ញុំអត់ត្រូវបានសើមទេ ព្រោះអីកាន់កាម៉េរ៉ាអត់មានអ្នកហ៊ានជះទឹកដាក់ 😀 ។ មើលរូបខ្លះៗពីសកម្មភាពថ្ងៃបញ្ចប់ចូលឆ្នាំខ្មែរ ឆ្នាំ ថោះ ព.ស ២៥៥៥ ៖
សូមអោយផលបុណ្យដែលបងបានសាង ឆាប់បានការឆាប់ៗ! ហិហិហិ
អរគុណហើយណា
[…] ដាក់បាត និង ស្រង់ព្រះ […]